Inbertsio gastuei aurre egitea, 3. lerroari eusteko gela berriak eraiki behar ditugu, zortzi gela berri izango dituen eraikin berri bat. Herrian eta bailaran Ikastola mugimenduaren erreferentzia indartzea proiektua zabalduz eta ezagutaraziz. Herritarrei ikastolarekiko, euskararekiko eta euskal kulturarekiko gertu sentitzeko aukera ematea. Kilometroak festa herritarren parte hartzearekin egitea; bere sentitzea. Euskara eta euskal kulturaren inguruko jarduerak biziberritzea, hezkuntza komunitatea osatzen duten taldeen partaidetza sustatuz.