2016ko irailean, Bergaran,  Kilometroak egunaren atarikoetan ikusgai izan zen erakusketa duzue atal honetan. Kilometroakbidea egitasmoari ekitean argi genuen, Kilometroak jaiaren 40 urteko ibilbidearen dokumentazio bilketa egin behar zela. Nahi baino denbora tarte laburragoaz gauzatu den lehen bilketa ahaleginean jasotakoarekin antolatu genuen Bergarako erakusketa. Kilometroak jaiaren edizio bakoitzeko  panel bana prestatu dugu. Garaiko egunkariek kronikak, esku-orriak, afixak, argazkiak … bidean topaturiko euskarriekin osatu dugu edizio bakoitzeko argazkitxoa.

Bilketa ez da amaitu ordea. Argazkitxoa osatu, zabaldu dezakegu. Ikastoletako ganbaretan edo norbere etxekoan izango da oraindik herrian izan zen kilometroak hartako zer edo zer.  Bada, jakin Kilometroakbidea prozesu guztiz irekia eta parte-hartzailea dela, eta horretarako sortu da kilomertoankbidea.eus web orri  berria. Hona hemen beraz, guztion tresna: erakusketa ikusi ahal izateko eta gurekin harremanetan jarriz, berau aberastuz ekarpenak egiteko.